काठमाडौं । पछिल्लो २४ घण्टामा देशभर थप १ सय ५६ जनामा कोरोना संक्रमण पुष्टि भएको छ । यो सँगै कुल संक्रमितको संख्या २ लाख ७६ हजार ६ सय ६५ जना पुगेको छ । स्वास्थ्य तथा जनसंख्या मन्त्रालयका अनुसार हाल १ हजार २ सय ९९ जना सक्रिय संक्रमित छन्।
पछिल्लो २४ घण्टामा ४ हजार ४ सय १६ जनाको पिसिआर परीक्षण भएको थियो । यो सँगै नेपालमा पिसिआर परीक्षण हुनेको संख्या २२ लाख ५६ हजार ३ सय पुगेको छ।
पछिल्लो २४ घण्टामा कुनै पनि कोरोना संक्रमितको मृत्यु भएको छैन । नेपालमा कोरोनाका कारण ज्यान गुमाउनेको कुल संख्या ३ हजार २४ छ । हाल ५२ जना क्वारेन्टाइनमा छन् ।
पछिल्लो २४ घण्टामा ७० जना कोरोना संक्रमणमुक्त भएका छन् । यो सँगै नेपालमा निको हुनेको संख्या २ लाख ७२ हजार ३ सय ४२ जना पुगेको मन्त्रालयले जनाएको छ।
