जीप दुर्घटना हुँदा ४ जनाको मृत्यु, चार घाइते

उदयपुर । जीप दुर्घटना हुँदा चार जनाको मृत्यु भएको छ भने चार चार घाइते भएको प्रहरीले जनाएको छ । उदयपुरगढी गाउँपालिका–३ जरुवास्थित भित्री सडकमा तामल डाँडाबाट कटारीतर्फ जाँदै गरेको एसके ०१ पीबी ३०६८ नम्बरको गाडी आज अनियन्त्रित भएर सडकबाट करिब दुई सय मिटर तल खसेको प्रहरीले जनाएको छ ।
मृत्यु हुनेमा उदयपुरगढी–३ घर भइ हाल मोरङको पथरी बस्ने ६१ वर्षीय टिककनारायण श्रेष्ठ, उदयपुरगढी–३ का ४७ वर्षीय ढकबहादुर मगर, ४७ वर्षीय मिननारायण श्रेष्ठ र पथरी शनिश्चरेका ३५ वर्षीय टिकाराम श्रेष्ठ छन् ।
ती जनाको घटनास्थल मै र टिकारामको कटारी अस्पतालमा उपचारका क्रममा मृत्यु भएको बताइएको छ ।