बलात्कारको आरोपमा सिद्धबाबा पक्राउ

सुनसरी । जिल्ला प्रहरी कार्यालय सुनसरीले आफ्नै अनुयायीलाई बलात्कार गरेको आरोप लागेका ‘सिद्धबाबा कृष्णदाश महाराज’ (कृष्णबहादुर गिरी) लाई पक्राउ गरेको छ ।
बलात्कारको आरोप लागेपछि विराटनगरस्थित विराट नर्सिङ होमको आईसीयुमा भर्ना भएर उपचार गराइरहेका बाबालाई जिल्ला प्रहरी कार्यालय सुनसरीको प्रहरी टोलीले पक्राउ गरेको हो ।
पक्राउ परेका बाबालाई इनरुवास्थित अस्पतालमा कडा सुरक्षाको साथ राखिएको बताइएको छ । उनको स्वास्थ्य अवस्था सामान्य रहेकाले नियन्त्रणमा लिइएको प्रहरीले जनाएको छ ।