आज थपिए ११ सय ७० जना कोरोना संक्रमित, १५ जनाको निधन

काठमाडौं । नेपालमा पछिल्लो २४ घण्टामा १ हजार १७० जनामा कोरोना भाइरसको संक्रमति थपिएका छन् ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले दिएको जानकारी अनुसार पछिल्लो २४ घण्टामा देशभरमा थप १ हजार १७० जनामा कोरोना संक्रमण पुष्टि भएको हो ।
प्रवक्ता गौतमका अनुसार आज थपिएका समेत गरेर नेपालमा कोरोना संक्रमितको संख्या ५५ हजार ३२९ पुगेको छ । उनीहरुमध्ये १५ हजार ३९३ जना हाल सक्रिय संक्रमित छुन ।
आज थप १० हजार ८७८ पीसीआर परीक्षण भएको छ। यो सहित जम्मा पीसीआर संख्या ८ लाख ५१ हजार ४०५ पुगेको छ ।
त्यस्तै पछिल्लो २४ घण्टामा थप ८७९ जना कोरोना संक्रमित निको भएसँगै नेपालमा कोरोना निको हुनेको संख्या ३९ हजार ५७६ पुगेको छ। प्रवक्ता गौतमका अनुसार देशभर संस्थागत आइसोलेसनमा ८ हजार ११८ जना रहेका छन् ।
त्यस्तै पछिल्लो २४ घण्टामा देशभरमा गरेर ५ महिला र १० पुरुष गरी १५ जनाको निधन भएको छ । यो सहित नेपालमा कोरोनाका कारण निधन हुनेको संख्या ३६० पुगेको छ ।